ಸಾಮಾನ್ಯ ಜ್ಞಾನ ಮತ್ತು ಪ್ರಚಲಿತ ವಿದ್ಯಮಾನ ಕ್ವಿಜ್- ಮಾರ್ಚ್,2,2017

ಬರ್ಬೋಡದ ಪ್ರಸಿದ್ದ ಗಾಯಕ ಹಾಗೂ ಗೀತ ರಚನೆಗಾರಿ ರಾಬಿನ್ ರಿಹಾನ್ನಾ ಫೆಂಟಿ ಅವರಿಗೆ 2017 ಹಾರ್ವರ್ಡ್ ವರ್ಷದ ಮಾನಮೀಯ ಪ್ರಶಸ್ತಿಯನ್ನು ನೀಡಿ ಗೌರವಿಸಲಾಗಿದೆ. ಫೆಂಟಿ ಅವರು ತಮ್ಮ ಸ್ವದೇಶದಲ್ಲಿ ಕ್ಯಾನ್ಸರ್ ಚಿಕಿತ್ಸೆಯನ್ನು ಉತ್ತಮಪಡಿಸಲು ನೀಡಿರುವ ಕೊಡುಗೆ ಹಾಗೂ ಕ್ಯಾರೆಬಿಯನ್ ವಿದ್ಯಾರ್ಥಿಗಳು ಅಮೆರಿಕದಲ್ಲಿ ವ್ಯಾಸಂಗ ಮಾಡಲು ವಿದ್ಯಾರ್ಥಿ ವೇತನವನ್ನು ಆರಂಭಿಸಿರುವುದನ್ನು ಗುರುತಿಸಿ ಈ ಪ್ರಶಸ್ತಿಗೆ ಆಯ್ಕೆಮಾಡಲಾಗಿದೆ.

ದೂರಸಂಪರ್ಕ ಕಾರ್ಯದರ್ಶಿ ಜೆ ಎಸ್ ದೀಪಕ್ ಅವರು ವಿಶ್ವ ವ್ಯಾಪಾರ ಸಂಸ್ಥೆ (WTO)ದ ಭಾರತದ ಖಾಯಂ ಪ್ರತಿನಿಧಿಯಾಗಿ ನೇಮಕಗೊಂಡಿದ್ದಾರೆ. ಜೂನ್ 1, 2017 ರಿಂದ ಅಧಿಕೃತವಾಗಿ ಅಧಿಕಾರವನ್ನು ಸ್ವೀಕಾರ ಮಾಡಲಿದ್ದಾರೆ.

ಭಾರತದ ಚೆಸ್ ಆಟಗಾರ್ತಿ ಹರಿಕಾ ದ್ರೋಣವಳ್ಳಿ ಅವರು 2017 ಮಹಿಳಾ ವಿಶ್ವ ಚೆಸ್ ಚಾಂಪಿಯನ್ ನಲ್ಲಿ ಕಂಚಿನ ಪದಕವನ್ನು ಗೆದ್ದುಕೊಂಡರು. ದ್ರೋಣವಳ್ಳಿ ಅವರಿಗೆ ಇದು ವಿಶ್ವ ಚೆಸ್ ಚಾಂಪಿಯನ್ ನಲ್ಲಿ ಮೂರನೇ ಕಂಚಿನ ಪದಕವಾಗಿದೆ.

ಸೂಡಾನ್ ನ ರಾಷ್ಟ್ರಧ್ಯಕ್ಷರಾದ ಒಮರ್ ಅಲ್ ಬಷೀರ್ ಅವರು ಬಕ್ರಿ ಹಸ್ಸನ್ ಸಲೆಹ್ ಅವರನ್ನು ಸೂಡಾನ್ ನ ನೂತನ ಪ್ರಧಾನಿಯಾಗಿ ನೇಮಕಮಾಡಿದ್ದಾರೆ. 1989 ರಿಂದ ಪ್ರಧಾನಿ ಹುದ್ದೆಯನ್ನು ರದ್ದುಗೊಳಿಸಲಾಗಿತ್ತು. ಪ್ರಧಾನಿ ಹುದ್ದೆಯನ್ನು ಮರು ಸೃಷ್ಟಿಸಲಾಗಿದ್ದು, ಸೀಮಿತ ಅಧಿಕಾರವನ್ನು ಮಾತ್ರ ನೀಡಲಾಗಿದ್ದು, ರಾಷ್ಟ್ರಪತಿ ಅವರು ಹೆಚ್ಚಿನ ಅಧಿಕಾರವನ್ನು ಉಳಿಸಿಕೊಂಡಿದ್ದಾರೆ.

“2017 ಶೂನ್ಯ ತಾರತಮ್ಯ ದಿನ (2017 Zero Discrimination Day (ZDD)”ವನ್ನು ಪ್ರತಿ ವರ್ಷ ಮಾರ್ಚ್ 1 ರಂದು ಆಚರಿಸಲಾಗುತ್ತದೆ. ಈ ವರ್ಷದ ಧ್ಯೇಯವಾಕ್ಯ Make Some Noise for Zero Discrimination.

ಪ್ರತಿ ವರ್ಷ ಮಾರ್ಚ್ 1 ರಂದು ಸಿವಿಲ್ ಅಕೌಂಟ್ಸ್ ದಿನವನ್ನು ದೇಶದಲ್ಲಿ ಆಚರಿಸಲಾಗುತ್ತದೆ. ಇಂಡಿಯನ್ ಸಿವಿಲ್ ಅಕೌಂಟ್ಸ್ ಸೇವೆಯನ್ನು ಮಾರ್ಚ್ 1, 1976ರಲ್ಲಿ ಸ್ಥಾಪಿಸಲಾದ ಸ್ಮರಣಾರ್ಥ ಮಾರ್ಚ್ 1 ರಂದು ಈ ದಿನವನ್ನು ಆಚರಿಸಲಾಗುತ್ತಿದೆ.

ಪಾರ್ಥ ಮುಖೋಪದಾಯ್ ಸಮಿತಿ ನೇತೃತ್ವದ ವಲಸಿಗರಿಗೆ ಸಂಬಂಧಿಸಿದಂತೆ ಕಾರ್ಯಪಡೆ ವರದಿಯನ್ನು ಕೇಂದ್ರ ಸರ್ಕಾರಕ್ಕೆ ಸಲ್ಲಿಸಿದೆ. ಈ ಸಮಿತಿಯನ್ನು ಕೇಂದ್ರ ವಸತಿ ಮತ್ತು ನಗರ ಬಡತನ ನಿವಾರಣಾ ಸಚಿವಾಲಯ 2015ರಲ್ಲಿ ರಚಿಸಿತ್ತು.

ಖ್ಯಾತ ಪತ್ರಕರ್ತೆ ಶೀಲಾ ರೆಡ್ಡಿ “Mr and Mrs Jinnah: The Marriage that Shook India” ಪುಸ್ತಕದ ಲೇಖಕರು. ಪುಸ್ತಕದಲ್ಲಿ ಜಿನ್ನಾ ಹಾಗೂ ಅವರ ಮದುವೆಯ ಅವಧಿ ಇತಿಹಾಸದ ಬಗ್ಗೆ ಬಣ್ಣಿಸಲಾಗಿದೆ.

ಅಸ್ಸಾಂ ಸರ್ಕಾರ ರಾಜ್ಯದ 8ನೇ ತರಗತಿ ವರೆಗೆ ಸಂಸ್ಕೃತಿ ಕಲಿಕೆಯನ್ನು ಕಡ್ಡಾಯಗೊಳಿಸಿದೆ. ಅಲ್ಲದೇ ಸ್ವಚ್ಚ ಭಾರತ ಅಭಿಯಾನದಡಿ ಶಾಲೆಗಳಲ್ಲಿ ನೈರ್ಮಲ್ಯತೆಯನ್ನು ಕಾಪಾಡುವ ಸಲುವಾಗಿ ಹೊಸದಾಗಿ ಹುದ್ದೆಗಳನ್ನು ಸೃಜನೆಮಾಡಿದೆ.